Plantun de Prouvènço

Pèr coumpara dos planto d'encò nostre

Festuca flavescens & Campanula rotundifolia subsp. rotundifolia

Festuca flavescens

Poaceae Graminaceae

Nom en français : Fétuque jaunâtre.

Descripcioun :
Aquesto petugo trachis en mato di li bos de resinous sus sòu séusous, majamen dins li melounié. Es uno planto coumuno qu'èi pas trop tihouso de recounèisse emé si lòngui fueio d'en aut primo, laco e verdo claro (aquéli d'en bas soun mai courto). Li paumo (paniculo), longo de 4 à 14 cm, porton d'espigueto jaunasso de 8 à 12 mm e emé 3 à 6 flour. Li lemma podon agué una arèsto courteto (0,8 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 25 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 14 cm
Flourido : Printèms - Estiéu

Sòu : Si
Autour basso e auto : 1000 à 2600 m
Aparado : Noun
Jun à juilet

Liò : Melouniero - Pinedo - Sapino - Esboudèu
Estànci : Mountagnard à Subaupen
Couroulougi : Ouroufito-Ouèst-Aupenco
Ref. sc. : Festuca flavescens Bellardi, 1792

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.